जिल्हा प्रतिनिधी/ सतीश पटले
तुमसर: पोलीस ठाणे सिहोरा हद्दीत येत असलेल्या सोंड्या येथे दिनांक 29 एप्रिलला सिहोरा पोलिसांनी मिळालेल्या गुप्त माहितीच्या आधारे साँड्या शेतशिवारात सुरू असलेल्या दिलीप लिंबाजी लांजे याच्या हातभट्टीच्या दारू अड्ड्यावर धाड घालून त्याच्या ताब्यातील 37 प्लास्टिक पिशवीमध्ये एकूण 740 किलो मोहपास सडवा असा एकूण 74 हजार रुपयांचा मुद्देमाल जप्त केला. याप्रकरणी महाराष्ट्र दारूबंदी कायदा अन्वये दारू विक्रेत्याविरुद्ध सिहोरा पोलिसात गुन्हा दाखल करण्यात आला आहे. सदर कारवाई ठाणेदार नितीन मदनकर यांच्या मार्गदर्शनात पो. शि. निलेश गजाम, पो. शि. तिलकचंद चौधरी यांनी केले असून घटनेचा अधिक तपास पो. हवा. कळपते करीत आहेत.
