जि. प.उच्च प्राथ.शाळा सिदूर
आमची शाळा आमचे उपक्रम
भारत देशातील महाराष्ट्र राज्यातील विदर्भाच्या कुशीत ब्लॅक गोल्ड चंद्रपूर जिल्ह्यातील चंद्रपूर तालुक्यात एक गाव तेच आमचे गाव सिदूर गावाच्या पूर्व दिशेला आमची शाळा जिल्हा परिषद उच्च प्राथमिक शाळा सिदूर छोटीशी शाळा माध्यम मराठी विद्यार्थी 72 आणि शिक्षक 3 आणि वर्ग 1 ते 8.त्यातच अनेक शैक्षणिक उपक्रम व दैनंदिन शालेय कामकाज त्यामुळे विद्यार्थ्यांच्या गुणवत्तेवर परिणाम झाल्याचे दिसून आले पाहिजे तेवढा वेळ विद्यार्थ्यांना देता येत नाही याची खंत आम्हा सर्व शिक्षक वर्गाला वाटू लागली आणि त्यामुळेच आम्हाला सहशालेय उपक्रमाची गरज भासली आणि शिक्षणासोबतच इतर सहशालेय उपक्रमातून विद्यार्थ्यांच्या बौद्धिक क्षमतेत सहज आणि सोप्या उपक्रमातून वाढ कशी करता येईल यासाठी एक एक उपक्रम सुचत गेले आणि त्याचा उपयोग करून विद्यार्थ्यांच्या भावात्मक, बोधात्मक, क्रियात्मक क्षमतेत वाढ करता आली.
“फळा फुलांचा मळा पाहिजे आनंदाचा सोहळा पाहिजे.
एक दिवस गावात देऊळ नसेल तर चालेल पण अशी आमची उपक्रमशील शाळा पाहिजे”
