सालेकसा :बाजीराव तरोने
राज्य शासनाकडून राबविण्यात येणाऱ्या योजनेंतर्गत “मुख्यमंत्री माझी शाळा,सुंदर शाळा टप्पा 2 “अभियानात खाजगी व्यवस्थापनात हायस्कूल विभागात ‘तालुक्यातील नारायण भाऊ बहेकार हायस्कूल व कनिष्ठ महाविद्यालय लोहारा ‘शाळेने तालुक्यात प्रथम क्रमांक पटकावत मानाचा तुरा धारण केला आहे.
या अभियानाच्या माध्यमातून शाळेने अधिक प्रभावी विस्तार करत पायाभूत सुविधा,शासन अंमलबजावणी,शैक्षणिक गुणवत्ता,करण्यासोबत अध्ययन, अध्यापन, प्रशासन यात आधुनिक तंत्रज्ञान वापर,पर्यावरण संवर्धन, सार्वजनिक व वैयक्तिक स्वच्छता,आरोग्य, राष्ट्रीय एकात्मतेची भावना वृद्धिंगत करण्यासाठीचे प्रयत्न, व्यावसायिक शिक्षण तोंडओळख, क्रीडा गुणाचा विकास, शासकीय योजनेचा लाभ ईत्यादी निकष व उद्दिष्टांवर काम करत शाळेने प्रथम क्रमांक पटकावून त्याची परिणती म्हणून आज दि. १४ सप्टेंबर रोज शनिवार ला जिल्हास्तरीय मुल्यांकनासाठी जिल्ह्य़ातील शिक्षणाधिकारी .मा.. महेंद्र गजभिये (माध्य),सौ.घुगे मॅडम (शिक्षण विभाग)जि प गोंदिया, मा.डहाटे सर,जि.प.गोंदिया, मा.बिसेन सर,जि प गोंदिया यांची चमू मूल्यांकनासाठी आले असून मान्यवरांनी शाळेच्या सर्व निकषांचे मूल्यमापन केले .
शाळा भेटीदरम्यान मान्यवरांनी समाधान व्यक्त करत पुढील वाटचालीस शुभेच्छा दिल्या. या अभियानात सर्व कर्मचाऱ्यांनी परिश्रम घेऊन निकष पूर्णतेवर कार्य केला असून प्राचार्य एल.टी.दसरिया व एस.जे.कटरे यांनी सर्व निकषांचे विश्लेषण करुन सांगितले.
