जिल्हा प्रतिनिधी/ सतीश पटले
तुमसर : सर्जनशील लेखक आणि प्रसिद्ध संपादक, ‘राष्ट्रधर्म’ दैनिकाचे पत्रकार, ‘पांचजन्य’चे संपादक, ‘द ऑर्गनायझर’ साप्ताहिकासाठी ‘राजकीय डायरी’ नावाचा प्रसिद्ध स्तंभ लेखक, सम्राट चंद्रगुप्त, जगतगुरु शंकराचार्य, राजकीय डायरी, अखंड मानवतावाद, एकात्ममानव-वाद आणि भारतातील पंचवार्षिक योजनांचे विश्लेषण यासह अनेक गंभीर विषयांवर आपले परखड मत व्यक्त करणारे पंडित दीनदयाल उपाध्याय यांची जयंती २५ सप्टेंबर २०२४ रोजी भाजपचे विधानसभा प्रमुख इंजि. प्रदीप पडोळे यांच्या निवासी कार्यालयात मोठ्या थाटात साजरी करण्यात आली. भारतीय जनता पक्षाचे अधिकृत तत्वज्ञान असलेल्या अखंड मानवतावादाच्या तत्त्वज्ञानाचे प्रशंसक म्हणून ख्यातनाम दीनदयाल उपाध्याय यांच्या प्रतिमेला माल्यार्पण करून त्यांच्या जीवनावर माजी नगराध्यक्ष प्रदिप पडोळे यांनी मोजक्या शब्दांत आपल्या भावना व्यक्त केल्या. मानवाला केंद्रस्थानी ठेवणारे स्वदेशी आर्थिक मॉडेल विकसित करणे ही भारतातील प्राथमिक चिंता असणे आवश्यक आहे. अविभाज्य मानवतावादामध्ये दोन थीम्स भोवती आयोजित केलेल्या दृष्टींचा समावेश आहे: राजकारण आणि स्वदेशीमधील नैतिकता आणि अर्थव्यवस्थेतील लघु-औद्योगीकरण याच दोन मूल्यांवर भर देऊन आपले जीवन राष्ट्र हितात खर्चिक करून पंडित दीनदयाल उपाध्याय यांनी नाव लौकिक केले. यांच्या मुख्य कल्पना त्यांच्या भारतीयता, धर्म, धर्मराज्य आणि अंतोदय या संकल्पनेत दिसून येतात. अंत्योदय हा शब्द जरी गांधीवादी शब्दकोशाशी संबंधित असला तरी तो पंडित दीनदयाल उपाध्याय यांच्या विचारांत अंतर्भूत आहे. असे मत त्यावेळी पडोळे यांनी व्यक्त केले. ‘सर्वांसाठी शिक्षण’ आणि ‘हर हात को काम, हर खेत को पाणी’ ही त्यांची दृष्टी त्यांच्या आर्थिक लोकशाहीच्या कल्पनेत पराकोटीला पोहोचलेली दिसली. आर्थिक लोकशाहीची त्यांची कल्पना स्पष्ट करताना उपाध्याय आपल्या अग्र लेखात म्हणतात, *“जर प्रत्येकासाठी मतदान हा राजकीय लोकशाहीचा स्पर्श असेल तर प्रत्येकासाठी काम करणे हे आर्थिक लोकशाहीचे परिमाण आहे. मोठ्या उद्योगांवर आधारित विकास, केंद्रीकरण आणि मक्तेदारी या कल्पनांना विरोध करत त्यांनी स्वदेशी आणि विकेंद्रीकरणाचा पुरस्कार केला.* यांच्या मते रोजगाराच्या संधी कमी करणारी कोणतीही व्यवस्था अलोकतांत्रिक आहे. त्यांनी सामाजिक विषमतेपासून मुक्त अशा व्यवस्थेचा पुरस्कार केला जिथे भांडवल आणि सत्ता विकेंद्रित होते. अश्या थोर राष्ट्रभक्ताला जयंती दिनी नमन करताना भाजपचे दिलीप सार्वे, गीता कोंडेवार, कल्याणी भुरे, कुंदा वैद्य, काशीराम टेंभरे, पंकज बालपांडे, आशिष कुकडे, रूपराज सोनवाने, मनमोहन पचोली, शैलेश मेश्राम, कृष्णा पाटील, शीला डोये, निशिथ वर्मा, अनुज मलेवार, कविता पासवान, निकेश पशिने, दिलीप तरारे, निर्मला कापसे यांच्या सह कार्यकर्ते प्रामुख्याने उपस्थित होते.
