अर्जुनी मोरगाव: महायुतीचे उमेदवार राजकुमार बडोले यांच्या प्रचारासाठी अर्जुनी मोरगाव येथील प्रसन्ना सभागृहात आयोजित करण्यात आलेल्या भव्य सभेत खा. श्री प्रफुल पटेल आणि आमदार श्री परिणय फुके यांच्या प्रमुख उपस्थितीत मित्र पक्षाची संयुक्त बैठक पार पडली. यावेळी राजकारणासोबतच समाजकारणाला प्राधान्य देण्याचे आणि सर्वसामान्य नागरिकांच्या कल्याणासाठी विविध योजनांच्या माध्यमातून परिवर्तन घडविण्याचे आश्वासन खा. श्री प्रफुल पटेल यांनी दिले.
शेतकऱ्यांच्या हितासाठी संकल्पबद्धता
खा. प्रफुल पटेल यांनी आपल्या भाषणात सांगितले की, या भागातील शेतकऱ्यांना धान, ऊस, मका, भाजीपाला आणि फळबागेची विविध पिके घेण्यासाठी आधुनिक तंत्रज्ञानाच्या साहाय्याने प्रोत्साहन देण्याचा मानस आहे. “या भागातील ऊस उत्पादक शेतकऱ्यांच्या सोयीसाठी लाखांदूर येथे साखर कारखाना सुरु करण्यात आला आहे,” असे पटेल म्हणाले.
तसेच, त्यांच्या जाहीरनाम्यात महिला, शेतकरी, शेतमजूर, युवक आणि ज्येष्ठ नागरिकांच्या कल्याणासाठी विविध योजनांची संकल्पना राबविण्याचे कटिबद्धतेचे आश्वासनही त्यांनी दिले.
उपस्थित मान्यवर आणि कार्यकर्त्यांचा भव्य प्रतिसाद
या सभेत खा. प्रफुल पटेल आणि परिणय फुके यांच्यासह राजकुमार बडोले, रामदास कोहाळकर, सुरेंद्र नायडू, यशवंत गणवीर, भाऊदास जांभुळकर, नारायण डोंगरवार, नामदेव डोंगरवार, बंडू भेंडारकर, लायकराम भेंडारकर, नाजूक कुंभरे, गजानन डोंगरवार, लोकपाल गहाणे, किशोर तरोणे, केवळराम पुसतोडे, विजय कापगते, चामेश्वर गहाणे, रचना गहाणे, पौर्णिमा ताई ठेंगे, मंजुषा तरोणे, सुशीला हलमारे, चित्रलेखा मिश्रा, चेतना कांबळे, आम्रपाली डोंगरवार, पुष्पलता दृगकर, मंजुषा बारसागडे, उज्वल दीरबुडे, जितेंद्र मौर्या, प्रकाश गहाणे, मुकेश जैस्वाल, होमराज पुस्तोडे, रतिराम राणे, श्रीनारायन डोंगरवार, राकेश जयस्वाल, जगदीश चितलांगे, भोजराम रहिले, श्रावण मेंढे तसेच इतर मान्यवर पदाधिकारी आणि कार्यकर्ते मोठ्या संख्येने उपस्थित होते.
या बैठकीत नागरिकांना सेवेसाठी नेहमी तत्पर राहून काम करण्याचे आवाहन करण्यात आले.
