महायुती सभा उत्साहात संपन्न, गोंदियाचा विकास करण्यासाठी मोठी ग्वाही
गोंदिया : येथील महायुती सभेत केंद्र आणि राज्यातील मान्यवर नेत्यांची उपस्थिती लाभली. खासदार प्रफुल पटेल यांनी यावेळी गोंदिया विधानसभेचे उमेदवार विनोद अग्रवाल यांना विजयी करण्याचे आवाहन केले आणि गोंदियाच्या सर्वांगीण विकासाची ग्वाही दिली.
सभेत केंद्रीय मंत्री नितिन गडकरी, खासदार प्रफुल पटेल, राजेंद्र जैन, परिणय फुके, विनोद अग्रवाल आणि इतर मान्यवरांनी विविध मुद्द्यांवर प्रकाश टाकला. गडकरी यांनी गरिबी निर्मूलनाची आणि सर्वसामान्यांच्या उन्नतीसाठी आवाहन केले. त्यांच्या मते, देशाला गरिबीपासून मुक्त करण्यासाठी रोटी, कपडा, आणि मकान या मूलभूत गरजा पूर्ण होणे अत्यंत महत्त्वाचे आहे. गोंदिया हे ड्राय फूड स्टॉक सेंटर आणि चावल निर्यात हब बनविण्याचे ध्येय त्यांनी व्यक्त केले. त्याचप्रमाणे समृद्धी महामार्ग नागपूर – गोंदिया ते गडचिरोली पर्यंत वाढविण्याच्या योजनांवर चर्चा करण्यात आली.
शेतकऱ्यांच्या हितासाठी महत्त्वाचे निर्णय
खासदार प्रफुल पटेल यांनी शेतकऱ्यांसाठी मोठ्या घोषणा केल्या. त्यांनी शेतकऱ्यांना या वर्षी २५,००० रुपयांचा बोनस, तसेच माताभगिनींना १,५०० ते २,१०० रुपये देण्याचे आश्वासन दिले. तसेच शेतकऱ्यांना मोफत वीज, सौरऊर्जा, आणि आरोग्य विमा सारख्या योजनांचा लाभ देण्यात येणार असल्याचे जाहीर केले.
विनोद अग्रवाल हे गोंदियाचे उमेदवार आहेत आणि सर्वसामान्यांच्या प्रश्नांचे निराकरण करण्यासाठी जमीनस्तरावर काम करणारे उमेदवार असल्याचे सांगण्यात आले. त्यांच्या माध्यमातून गोंदियाच्या विकासाला नवे वळण मिळेल, असा विश्वास नेत्यांनी व्यक्त केला.
सभेला केंद्रीय मंत्री नितिन गडकरी, खासदार प्रफुल पटेल, राजेंद्र जैन, परिणय फुके, विनोद अग्रवाल, सुनिल मेंढे, अशोक इंगळे, खोमेश रहांगडाले, प्रेम कुमार रहांगडाले, येशूलाल उपराडे, दिनेश दादरीवाल, मुकेश शिवहरे, भावना कदम, रमेश भटेरे, बाळा अंजनकर, पूजा सेठ, रचना गहाने, बालकृष्ण पटले, नानू मुदलियार, नेतराम कटरे, भाऊ गजभिये, माधुरी नासरे, सिताताई रहांगडाले, मुनेश रहांगडाले, नंदूभाऊ बिशेन, किर्ती पटले, करणं टेकाम, घनश्याम पानतावणे यांच्यासह महायुतीचे हजारो पदाधिकारी आणि कार्यकर्ते उपस्थित होते.
या सभेने गोंदिया विधानसभेत महायुतीची ताकद आणि विकासाच्या दिशेने गोंदियातील जनतेचा दृढ निश्चय स्पष्ट केला.
