पोवारी को सीमोल्लंघन
———————————
पोवारी भाषा होती समाज मा बंदिस्त।
सीमोल्लंघन को भाव भी नोहतो अंकुरित।
सीमोल्लंघन करके उड़ान लगी पोवारी,
भारतवर्ष मा सर्वत्र होन लगी प्रकाशित।।१।।
प्रकाशित होन लगी अमर उजाला मा।
प्रकाशित होन लगी न्यूज प्रभात मा।
सीमोल्लंघन करके उड़ान लगी पोवारी,
प्रकाशित होन डिजिटल माध्यमों मा।।२।।
पोवारी छपन लगी हिन्दी पत्रिकाओं मा।
पोवारी छपन लगी मराठी पत्रिकाओं मा।
सीमोल्लंघन करके उड़ान लगी पोवारी,
प्रकाशित होन लगी राष्ट्रीय पत्रिकाओं मा।।३।।
भाषिक क्रांति को पहले होती मर्यादित।
सीमोल्लंघन को भाव भी नोहतो अंकुरित।
सीमोल्लंघन करके उड़ान लगी पोवारी,
क्रांति न् करीस एक मोठी सफलता अंकित।।४।।
सन् २०१८ मा भयी पोवारी भाषिक क्रांति।
क्रांति भयी सफल व भाषा मा आयी शक्ति।
सीमोल्लंघन करके उड़ान लगी पोवारी,
जगजाहिर भयी क्रांति की अद्भुत शक्ति।।५।।
-ओ सी पटले
पोवारी भाषा शोध, विकास व वैभव अभियान भारतवर्ष.
सोम.10/१२/२०२४.

