केंद्रीय मंत्री पीयूष गोयल व नामवंत उद्योजकांच्या उपस्थितीत भव्य सोहळ्याचे आयोजन
गोंदिया : शिक्षणमहर्षी व लोकनेते स्व. मनोहरभाई पटेल यांच्या ११९ व्या जयंतीनिमित्त भव्य सुवर्ण पदक व सत्कार समारंभाचे आयोजन रविवार, ९ फेब्रुवारी रोजी डी. बी. सायन्स महाविद्यालयाच्या प्रांगणात दुपारी १ वाजता होणार आहे. हा भव्य सोहळा स्व. मनोहरभाई पटेल स्मृती समिती, गोंदिया शिक्षण संस्था व गुजराती केळवणी मंडळाच्या संयुक्त विद्यमाने आयोजित करण्यात आला आहे.
या सोहळ्याचे उद्घाटन केंद्रीय वाणिज्य व उद्योग मंत्री मा. पीयूष गोयल यांच्या हस्ते होणार असून, प्रमुख अतिथी म्हणून जुबिलेंट लाइफसायंसेजचे प्रबंध निदेशक हरी शंकर भरतीया, माजी खासदार नरेश गुजराल व सुप्रसिद्ध उद्योजक मोहित गुजराल यांची उपस्थिती राहणार आहे. कार्यक्रमाच्या अध्यक्षस्थानी खासदार प्रफुल पटेल असतील.
या सोहळ्यात गोंदिया व भंडारा जिल्ह्यातील एस.एस.सी., एच.एस.सी., पदवी व बी.टेक. मध्ये प्रावीण्य मिळवलेल्या विद्यार्थ्यांना सुवर्ण पदक व स्मृतीचिन्ह देऊन सन्मानित करण्यात येणार आहे.
गोंदिया जिल्ह्यातील गुणवंत विद्यार्थी:
एस.एस.सी.: ऋषिकेश चिखलोंडे (गुजराती नॅशनल हायस्कूल, गोंदिया), आंचल पुस्तोडे (जी.एम.बी. हायस्कूल, अर्जुनी/मोर)
एच.एस.सी.: ध्वनिल पटेल, अभिषेक अग्रवाल (एस.एस. पटेल ज्युनियर कॉलेज, गोंदिया), आदेश देशमुख (सरस्वती ज्युनियर कॉलेज, अर्जुनी/मोर)
बी.ए.: संतोष गावराने (जगत आर्ट्स, गोरेगाव)
बी.कॉम.: पल्लवी बनोटे (एन.एम.डी. महाविद्यालय, गोंदिया)
बी.एस.सी.: दिव्या मस्के (धोटे बंधू सायन्स कॉलेज, गोंदिया)
भंडारा जिल्ह्यातील गुणवंत विद्यार्थी:
एस.एस.सी.: रिद्धी हत्तीमारे (जेसिस इंग्लिश हायस्कूल, भंडारा)
एच.एस.सी.: गुंजन कोकसे (एम.पी.एल. नेहरू ज्युनियर कॉलेज, तुमसर)
बी.ए.: यामिनी देशमुख (जे.एम. पटेल महाविद्यालय, भंडारा)
बी.कॉम.: मोनिका गायधने (समर्थ महाविद्यालय, लाखनी)
बी.एस.सी.: श्रेया निखाडे (जे.एम. पटेल महाविद्यालय, भंडारा)
बी.टेक.: रिया खन्ना (एमआयईटी, शहापूर, गोंदिया)
याशिवाय विविध क्षेत्रांतील उल्लेखनीय कामगिरी करणाऱ्या व्यक्तींचाही गौरव करण्यात येणार आहे.
हा सोहळा गोंदिया व भंडारा जिल्ह्यातील विद्यार्थ्यांसाठी प्रेरणादायी ठरणार असून, नागरिकांनी मोठ्या संख्येने उपस्थित राहावे, असे आवाहन माजी आमदार राजेंद्र जैन व आयोजक समितीच्या वतीने करण्यात आले आहे.
