“स्वच्छ सुंदर परिसर, जीवन निरोगी निरंतर” संकल्पनेतून प्रेरणादायी उपक्रम
नाशिक : वाडीवर्हे येथे नमस्ते नाशिक फाउंडेशनच्या अध्यक्ष स्नेहल देव यांच्या पुढाकारातून “सौभाग्याचे लेणी” हळदीकुंकू समारंभ मोठ्या उत्साहात पार पडला. महिलांच्या सहभागाने रंगलेल्या या कार्यक्रमात हातगुणी आणि कष्टकरी महिलांचा विशेष सत्कार करण्यात आला. यावेळी दीडशेहून अधिक महिलांनी हजेरी लावली आणि हळदीकुंकवाचा आनंद घेतला.
कार्यक्रमाची सुरुवात कर्नल मच्छिंद्र शिरसाठ यांच्या हस्ते सरस्वती पूजन करून करण्यात आली, त्यानंतर नमस्ते नाशिक फाउंडेशनच्या अध्यक्ष स्नेहल देव यांच्या हस्ते दीपप्रज्वलन झाले.
स्नेहल देव यांनी “स्वच्छ सुंदर परिसर, जीवन निरोगी निरंतर” ही संकल्पना पुढे नेत महिला सशक्तीकरण, स्वच्छता आणि पर्यावरण संवर्धनाचे महत्त्व पटवून दिले. याअंतर्गत, प्रत्येक महिलेला वाण म्हणून कचऱ्याची पेटी देण्यात आली. ही कल्पक भेट मिळाल्याने महिलांच्या चेहऱ्यावर आनंद झळकत होता.
यावेळी घर सांभाळत व्यवसाय करणाऱ्या होतकरू आणि कष्टकरी महिलांचा विशेष सत्कार करण्यात आला. “वृक्ष लावा पावलोपावली, तर मिळेल उन्हात सावली” या संकल्पनेनुसार महिलांच्या हस्ते गावात वृक्षारोपण करण्यात आले.
कार्यक्रमात स्नेहल देव फ्रेंड सर्कलच्या सुप्रसिद्ध सिने-अभिनेत्री, मॉडेल आणि सेल्फ-डिफेन्स ट्रेनर कु. रूपाली पवार, मेकअप आर्टिस्ट आशा महाजन, ज्वेलरी मेकर सौ. भाग्यश्री कदम, सिनियर असोसिएट शीतल राजेंद्र पाटील, अरिहंत टुर्स ओनर सपना जैन, सौ. प्रतिभा सुर्यवंशी, सौ. अलका देव, सौ. प्रतिभा कोतकर, मंजिरी घन, बच्छाव मॅडम, सरला जडे, वैशाली पाटकर, ललिता ततार, श्री. कोतकर, श्री. सुभाष देव, हास्यप्रेमी सौ. कविता पवार, स्मिता धासे, सौ. अलका येवले आदी मान्यवरांनी उपस्थित राहून महिलांना हळदीकुंकूचे वाण दिले.
यावेळी इगतपुरी-त्र्यंबकेश्वर मतदारसंघाचे कार्यसम्राट आमदार हिरामण दादा खोसकर यांचे पुतणे भास्कर भाऊ खोसकर, वाडीवर्हे गावचे माजी सरपंच रोहिदास भाऊ कातोरे, माजी सरपंच रावसाहेब आप्पा, माजी उपसरपंच बाणेश्वर आप्पा मालुंजकर, सध्याचे उपसरपंच प्रवीण भाऊ मालुंजकर, वाडीवर्हे विविध कार्यकारी सोसायटीचे नवनिर्वाचित चेअरमन दत्ताभाऊ कातोरे, तंटामुक्ती अध्यक्ष गणपत दिवटे, मा. सदस्य माणिक भाऊ मुतडक, भीमा तात्या मालुंजकर, भाऊसाहेब मालुंजकर, दिगंबर कातोरे, दिलीप मालुजकर, पै. मोहन भाऊ कातोरे, प्रभाकर रणमाळे, पै. नारायण कातोरे, शरद आप्पा मालुंजकर, गोविंद चहादु डगळे, रामदास चारोस्कर, अलका गोविंद डगळे, गणेश मुतडक, राजेश घोटे, रोहिदास लहांगे, हरी लहांगे, सुरेश कोरडे, अजय डगळे, किरण डगळे, हरी चारोस्कर, एकनाथ लहांगे, अशोक झोंबाड, तसेच जिल्हा परिषद सदस्य गोरख बोडके आदी मान्यवर उपस्थित होते.
या हळदीकुंकू समारंभाच्या माध्यमातून महिला सशक्तीकरण, स्वच्छता आणि पर्यावरण रक्षणाचा महत्त्वाचा संदेश देण्यात आला. महिलांनीही हा अनोखा उपक्रम मोठ्या आनंदाने स्वीकारला.
नमस्ते नाशिक फाउंडेशनचा हा स्तुत्य उपक्रम संपूर्ण समाजाला प्रेरणादायी ठरणारा आहे.
