गोंदिया, ७ फेब्रुवारी: शिक्षण क्षेत्रातील महान कार्यकर्ते व समाजसुधारक शिक्षण महर्षी स्व. मनोहरभाई पटेल यांची ११९ वी जयंती मोठ्या उत्साहात साजरी होणार आहे. हा भव्य सोहळा ९ फेब्रुवारी, रविवार दुपारी १.०० वाजता डी.बी. सायन्स महाविद्यालयाच्या विशाल पटांगणात संपन्न होणार आहे.
या विशेष कार्यक्रमात गोंदिया व भंडारा जिल्ह्यातील गुणवंत विद्यार्थ्यांचा सत्कार करण्यात येणार असून, केंद्रीय वाणिज्य व उद्योग मंत्री पीयूष गोयल व खासदार प्रफुल पटेल यांच्या हस्ते हा गौरव होईल. तसेच, जुबिलेंट लाइफसायंसेजचे प्रबंध निदेशक हरी भरतीया, माजी खासदार नरेश गुजराल, उद्योजक मोहित गुजराल आदी मान्यवर प्रमुख अतिथी म्हणून उपस्थित राहणार आहेत.
समारोहाच्या जय्यत तयारीसाठी माजी आमदार व गोंदिया शिक्षण संस्थेचे सचिव राजेंद्र जैन यांनी कार्यक्रम स्थळाची पाहणी केली. हा ऐतिहासिक व प्रेरणादायी सोहळा अनुभवण्यासाठी गोंदिया व भंडारा जिल्ह्यातील नागरिक, विद्यार्थी, पदाधिकारी व कार्यकर्त्यांनी मोठ्या संख्येने उपस्थित राहावे, असे आवाहन राजेंद्र जैन यांनी केले आहे.
