महिला सबलीकरणाचा उत्सव आणि विद्यार्थ्यांनी साकारलेला आनंद मेळावा!
आमगाव : विद्यानिकेतन कॉन्वेंट, आमगाव येथे जागतिक महिला दिन व आनंद मेळावा मोठ्या उत्साहात दि.८ मार्च रोजी साजरा करण्यात आला. या प्रसंगी छाया नागपुरे, कविता रहांगडाले, पोलीस स्टेशन येथून ममता दसरे, शिल्पा शहारे तसेच रघुबिरसिंह सूर्यवंशी आणि नरेशकुमार माहेश्वरी हे मान्यवर उपस्थित होते.
महिला सबलीकरण व पालकांसाठी विशेष खेळ
कार्यक्रमात उपस्थित मान्यवरांनी महिला पालक व विद्यार्थिनींना विशेष मार्गदर्शन केले. महिलांसाठी मनोरंजनात्मक खेळांचे आयोजन करण्यात आले होते, ज्यामध्ये त्यांनी उत्साहाने भाग घेतला आणि आनंद लुटला.
विद्यार्थ्यांनी साकारला ‘आनंद मेळावा’
शाळेतील विद्यार्थ्यांनी ‘आनंद मेळावा’ या कार्यक्रमाचे आयोजन केले होते. या मेळाव्यात विद्यार्थ्यांनी तयार केलेल्या विविध खाद्यपदार्थांचा पालकांनी मोठ्या आनंदाने आस्वाद घेतला.
कार्यक्रमाच्या यशस्वी आयोजनासाठी शाळेचे मुख्याध्यापक बी. वाय. ताजने आणि शिक्षक-शिक्षिकांनी परिश्रम घेतले. कार्यक्रमाच्या यशासाठी विशेष योगदान देणाऱ्या शिक्षकांमध्ये अजय रहांगडाले, मुनेश्वर पटले, महेश शिवणकर, सुशील गायधने, सुधिर गौतम, होमेंद्र उके, रीना सोमवंशी, पौर्णिमा पूंडकर, नानेश्वरी शहारे, भारती गायधने, रोशनी लक्षणे, दिव्या राठी, तृप्ती फुंडे, शीतल चुटे, रुपाली कुर्वे, अर्पिता वर्गट्वार, राधा कटरे, स्वाती बैस, भाग्यश्री टेंभरे, पूनम बैस, दीपिका रहांगडाले, मंगला बोहरे, वैदेही श्रीखंडे, सरिता बहेकार, दिपलता मोटघरे, पूजा रहांगडाले यांचा समावेश होता.
महिला सबलीकरण, विद्यार्थ्यांची सर्जनशीलता आणि सामूहिक सहकार्याचा संदेश देणारा हा कार्यक्रम आनंदाच्या वातावरणात यशस्वीपणे पार पडला.
