1
आमगाव: आमगाव तालुक्यातील पावर हाऊस येथील 50 केव्हीए ट्रान्सफॉर्मर जळाल्यामुळे शेतकऱ्यांचे मोठे नुकसान झाले आहे. या घटनेमुळे शेतकऱ्यांच्या पिकांचे नुकसान झाले असून, त्यांना आर्थिक संकटाचा सामना करावा लागत आहे.
या संदर्भात जिल्हा परिषदेचे उपाध्यक्ष सुरेश यशवंतराव हर्षे यांनी तहसीलदार आमगाव यांना पत्र लिहून नुकसानग्रस्त शेतकऱ्यांच्या नुकसानीचे पंचनामे तातडीने करण्याची मागणी केली आहे. तसेच, जिल्हाधिकाऱ्यांनी राज्य शासनाकडे या नुकसानीबाबत अहवाल पाठवून मदत मिळवून द्यावी, अशी मागणी त्यांनी केली आहे.
या पत्राच्या प्रती जिल्हाधिकारी गोंदिया आणि उपविभागीय अधिकारी देवरी यांनाही पाठविण्यात आल्या आहेत. शेतकऱ्यांना योग्य भरपाई मिळावी, अशी मागणी जोर धरत आहे.
