प्रमुख नेत्यांची उपस्थिती; मेळाव्यानंतर विविध ठिकाणी सांत्वना भेटी व वैवाहिक समारंभातही सहभाग
नागपूर – राष्ट्रवादी काँग्रेस पार्टीच्या वतीने, खासदार प्रफुल पटेल यांच्या मार्गदर्शनात दिनांक २३ मे २०२५ रोजी शुक्रवार, परवाना भवन, ऑडिटोरियम हॉल, तिसरा माळा, कस्तुरचंद पार्कजवळ, नागपूर येथे सकाळी ११.०० ते सायंकाळी ५.०० वाजेपर्यंत विदर्भस्तरीय पक्ष पदाधिकारी व कार्यकर्ता मेळावा आयोजित करण्यात आला आहे.
या भव्य मेळाव्यात राज्याचे राज्यमंत्री नामदार इंद्रनील नाईक, आमदार धर्मराव बाबा आत्राम, राजकुमार बडोले, राजूभाऊ कारेमोरे, सुलभा खोडके, अमोल मिटकरी, मनोज कायंदे, संजय खोडके, माजी आमदार राजेंद्र जैन हे प्रमुख उपस्थित राहणार आहेत. खासदार प्रफुल पटेल यांच्यासोबत पक्षाचे वरिष्ठ पदाधिकारी देखील या कार्यक्रमात सहभागी होणार आहेत.
मेळाव्यानंतर खालील कार्यक्रमांमध्ये खासदार प्रफुल पटेल व पदाधिकारी सहभागी होणार:
सायंकाळी ६.०० वाजता – सुनील बाबुराव फुंडे यांचे पिंपळगाव/सडक, लाखनी, जि. भंडारा येथील निवासस्थानी सांत्वना भेट
सायंकाळी ७.०० वाजता – जगदीश येरोला, जैन रिसॉर्ट कॉलनी, गोरेगाव, जि. गोंदिया येथील निवासस्थानी सांत्वना भेट
सायंकाळी ७.३० वाजता – चि. हितेश संग सौ. का. निकिता यांचा आशीर्वाद समारंभ, केवलभाऊ बघेले यांचे निवासस्थान, भुताईटोला, पाथरी, ता. गोरेगाव येथे उपस्थिती
रात्री ८.३० वाजता – चि. अनुज जयस्वाल संग सौ. का. अक्षदा शिवहरे यांचा विवाह समारंभ, जलाराम लॉन, गोंदिया येथे उपस्थिती
राष्ट्रवादी काँग्रेस पार्टीने सर्व पदाधिकारी व कार्यकर्त्यांना मोठ्या संख्येने उपस्थित राहण्याचे आवाहन केले आहे.
हा मेळावा पक्ष संघटनेच्या दृढीकरणासह आगामी राजकीय दिशा स्पष्ट करणारा ठरणार आहे.
